سلام لي ناس دوام في البال

لم أجد منبر أغازل عبره مخيلتى وأسكب فيه سيل الحروف من قبل لكن اخيرا أحط رحال كلماتى عبر صفحتكم العامره , وهذه القصيده جادة بها قريحتى منذ أول أيام التهجير القصرى وهاهى ولأول مره ترى النور فى واحة المناصير بلدى , أرجو أن تنال رضاكم الرجاء التعقيب

سلام لى ناس دوام فى البال تهاجر ليهم الأشواق
سلام ممدود حد الكون ينزل مطره للأحباب
سلام لى دار بحسها لهفه جوه الجوف
بحسها جوع
ماضاقت سوى النسيان
فيها أصاله .. وفيها الناس تحب الناس
وفيها الطائى ليهو الدار حلل وبيوت
وفيها من الجدود زكرى
عبق تاريخ وروح إنسان
مشبعه بالشجاعه دوام
زكراهم بتلهمنا انو الدار
ليها نموت ونحسها بعيونا دوام
ونهديها المهج والروح
مزينه بالعديل والزين
نحنا الجانا شان يقلعنا
بيخسر للوطن تاريخ
عبق إنسان وروح تاريخ
فيهو الماضى قمراً فى سمانا عديل
نحنا بلدنا مابنبيعها
شان حفنة دراهم وزين
حن بلدنا لينا الدم ونحن عروق
نحن بلدن نتفسا وليها نعيش
وبيها نعيش ,,,
نحنا الدار معانى كتيره
ماها بنا ! وطرق ودروب
نحنا الفقره والحيران
نحنا الدار لينا العم ولينا الخال
غنا وتربال
شجاعه تعلم الشجعان
نحنا الماضى فيهو قمرنا
وحاضرنا الملان أقمار
يادار ودقمر ميعادك
العز والشرف تاريخ
وبيهو دوام مسجل فى الزمن عنوان ,,, ,,,

منقوله من الاخ الشاعر مجاهد عبد الرحمن طيفور
المناصير
كبنه / الفقره