عابرة مشتاق للبلد

عابرة مشتاق للبلد





يــا عـابـرة مـشـتـاق للـبـلـد
شوق الغفار الجافة لـي صـوت الرعـد
للروعة في أيـام زمـان وشليـل وشـد
للوقفة فوق درب الـورود والصيـد ورد
لي زول يـدودر للشـراك فـي قينقـرد
يدعوهـا يابـت الملـوك بحـرك شـرد
لي صوت حنون بينادي في صبح السعـد
ماتصحا يا زيـن الجنـات شايـك بـرد
حبل الصلات البينا أقـوي مـن المسـد
لـولا مناشـيـر المشـايـخ والعـمـد
فجعوني في ريـدي القديـم لمـا إتفقـد
يوم فقدو كان يوماً عجيب هزانـي جـد
باعوهو لي زولاً غريـب شالـو وشـرد
خلانـي فـي غمـرة شقايـا بلاسـنـد
حسيـت إنـي فقـد هنايـا إلـي الأبـد
في لحظة عِن ساعة الصفاح لُمان عَقـد
طارت سحايب أحزاني بالشـوق والكمـد
غطت سمـاي الفيهـو نجمـات بالعـدد
الحالة ياست العيون مابتنشرح مهما سرد
يعلمبهـا الرافـع سماهـو بـلا عَـمـد
عالم الغيوب الخمسة بي جاهـو إتفـرد
الباسط الباري البديـع صـادق الوعـد
قلبي الوراك أنفق سنيـن ماليهـا حـد
رحالة فوق جمل الهجين طالبـو الأمـد
وآخـر كـلام ياعابـرة قدامـك ولــد
رأيو الأخير المـوت ولا العيشـي النكـد



--------------------------------------------------------------------------------


غصن الريدة




مما غصن الريده هضلم وجفت أزهـاروا النديـة
ما سمعت أشعـار روايـع لا ولا أنغـام شجيـة
كلهـا الأيـام عوابـس مستمـرة شقـا واذيـة
وحشة زي ساحة مقابر فيها برزخ روح شقيـة
وبي شباك ريدك مكبل ديلا ست سنيـن سويـة
قلبي زي عصفور يناضل في اصابع إيـد قويـة
أسأليني عن المتاعب لا عـن العيشـة الهنيـة
ياما في ظلماتا تائه لسه مـا ضويـت ضويـة
ولما كنت مع رياضك بين زهورا ضحى وعشيـة
كلمـا هبـت نسائـم فاحـت الأريـاح زكـيـة
كنتي تهدي مع ابتسامتك كل زول في الكون هدية
وكنت بلقى الريد حقايق واضحة في عينيك جلية
ماني قايل يوم حاشقى والظروف بالنسبـة ليـا
في زمانك داكا كانت من ضروب الغيـب خفيـة
أصلي من ميلادي شاعر والغرام جـواي سجيـة
ما ورثت من السوالف غير سمو نفسـي الأبيـة
ومن فقدت زمان حنانك رغم عطف الغيـر عليـا
وحدي في أشواقي ضايع زي غريب مجهول هوية

--------------------------------------------------------------------------------


عابرة ( ما بتجف أبداً جفوني )




مابتجف أبـداً جفونـي والدمـع طوالـي هاطـل
والخلوق بعدك جفوني والضياع ياعابـرة حاصـل
عابرة ذكراك ياها عوني في الزمان الجاف وقاحل
في سراب توه عيوني في بحار من غير سواحـل
عابرة من فارقتك إنتي أصلي ما ونيـت مواصـل
في طريق لو كان عرفتي سـام وا أسفـاي قاتـل
عابرة محتار كيف ألاقيك لي عيونك ويـن أقابـل
مدة في حرقـة بواديـك قلبـي مارشاهـو وابـل
عاد أجيبلو الفرحة من وين مني كل الشايفو جافل
راجي من جملة مساكين رحمة الله الماهـو غافـل
إلا بس وحياة حناني والمني الصعبـان وساهـل
بي غرامـك يـا أمانـي الفـؤاد مليـان وآهـل
للفراق البينا أسباب يوم تزول يـا عابـرة آمِـل
نبقي زي مانحنا أحباب نمشي في الأعياد نجامـل
عابرة لوكان ألقي خاطري بسرقن في القيط سنابل
وأهدي ليك من بين جواهري أندر الماسات في بابل
ترتوي وتشرب بواديك وينتشي الفي فرعو ذابـل
ويرجعن صادات قماريك ويصدحن في الدوح بلابل




--------------------------------------------------------------------------------


عابرة ( بت المداين )




عابرة يا بنـت المدايـن والمـدن مـا فيهـا عشـرة
يـا حليـل أيامهـا راحـت خلفـت جـواي حـسـرة
.
كل ما اقول آخر دي عابرة تاني ألقا اشعـاري تتـري
تندفـع قدامـي دافـرة زي ميـاه النـيـل بتـجـري
وفي بوادي أحزاني فاضت وما إكتست وجداني خضـرة
.
للأسف يا عابرة عـارف إنـو فـي دربـك ضياعـي
إلا برضو مصر أجازف حأظل طـول عمـري ساعـي
ولي عيونك لازم أوصل وحتى لـو مـا اليلـي بكـرة
.
حبي ليك يا عابرة صادق حبـي مـا بيعـرف فنـادق
حبي من وحي الخنـادق مـن زفيـر نفـس البنـادق
ولا بيقيف قدامو عايـق ولا الريـاح تمنعلـو هجـرة
.
كيف سواسيوك أسوقها فـي الضحـى الحلـق حديـو
فوق جزارات غالي سوقهـا بيهـا كـل المافـي زيـو
ولا قـدرت أخـش أتاجـر لانـي قـادر أرجـع أقـرأ
.
أقرأ إيه من غير عيونك وإنتـي لـي عينـي سراجـا
كيف زمانن قلّ نورو وشـع فيهـو الـروح وإبتهاجـا
وكل ما أصيح يا عابرة وينك وفي الصياح تخنقني عبرة
.
دا الحرام يا عابرة ظاهر شرحو مـا بيصعـب علينـا
والحلال طيراً مهاجر مـا بيـرك يـوم فـي المدينـة
وتقرع أجراسـو المدايـن والطيـور إيمانهـا فطـرة
.
ما الطيور إحساسها صادق تعـرف الفجـر الحيطلـع
صادقي والإنسان مخادع حتى لو كـان دابـو يرضـع
الجبال أبـت الأمانـة وشالهـا هسـع واطـي جمـرة
.
ماضي في دنيـا عنـادو اليفـوت كـان فيهـا ينفـع
مهما كان إدراكو واسع عابـرة مـا علـم الله أوسـع
وشوفي كيف روعـة جلالـه لمـا قـال للأمـي أقـرأ




--------------------------------------------------------------------------------


عابرة ( عام ألفين )




ياعابرة عام ألفين راجيهو عام فوق عام
لا إتجـددت لقيـا ولا إتحققـت أحـلام
.
قلبي البلاكي يتيم ذارف دموعـو حزيـن
صبرتو بالأحلام قُت ليهـو عـام ألفيـن
حا نمشي لأمدرمان نسأل عيونـك ويـن
خدرتو بالأمال ،،، لوليتـو لامـن نـام
.
في نومو يتعبَّـر يشهـق بـلا أسبـاب
متبشتن المسكين الكـان قبيـل أربـاب
لما الزمن كان زين ياعابرة كنـا قُـراب
لا حالت الفرقـة ،،ن بيناتنـا لا الأيـام
.
عايش معاكي سنين زي الفراش والضـو
مليان نشاط وحماس مابيرجي قولة سو
لما الفراق فرَّخ حلق غراب فـي الجـو
يوماً سوادو عجيب ،،، بدل ضياهو ضلام
.
أه يا أماني هواك جـارف كمـا الشـلال
وقلبي الدوام مشتـاق متكبِّـد الأهـوال
في يوم بداية ليل والقمـرة دابـا هـلال
صوت الهدِم في القيف قلع هدومو وعام
.
بالله إتوكـل والتانـي حسـن الـظـن
من عهدو مااتنصل أطريهو لـو أمكـن
رغم إنو كان عارف كل المشـن ماجـن
مشحون مني اشواق طاريك امانـي دوام
.
ياعابرة زي النيل بلقاكـي كـل إشـراق
وألقاكي نص الليل زي نجمة في الآفـاق
في بلة المنديـل بـي دمعـة المشتـاق
لامن تفيـض وتسيـل مـن قمـة الالام
.
قالوا الطمع مكروه إلا الطمع في الديـن
خايف برايا أتوه طمعـان أقابلـك ويـن
رغـم الزمـن مشبـوه لابـد متلاقيـن
ايامنـا لـو طالـن مـا شالـن الهـدّام
.
يا عابرة عام ألفين راجيهو عام فوق عام
وكل السنين أمواج مندافعـي لـي قـدام
وزولاً مـع التيـار مابتسعفـو الأقـدام
لامن يلم يرتاح يا عابـرة الـف سـلام
.
إنتي الملكتي زمان بي رقـة الإسلـوب
أدمن هواك إدمان والليلة غالبـو يتـوب
ياعابرة مهما كـان باكـر بنلقـي دروب
نملا البوادي قصيد وقلب المدينة غـرام


--------------------------------------------------------------------------------


عابرة ( في حضرة عيونك )




لحظة في حضرة عيونك وحاجبة المرسوم هلال
ياها آخـر أمنياتـي فـي حياتـي ولا تـزال
ذكرياتك يا أمانـي باقـي رغـم الماضـي زال
باقي نبراس الأغاني لمـا ليـل الفرقـة طـال
لسة بتذكر وصالك آهـة مـا أحلـي الوصـال
الزمان ياعابرة شالك مـن دنايـا بـلا قتـال
سابني ماقادر أقارن بيـن حقايقـك والخيـال
قلبي في قلب المداين وإيدي في إيـد الشمـال
عابرة يا عطش القوافي لمـا شديـت الرحـال
لي ديارك وإنتي جافي شاردة زي بحر الغـزال
عابرة ياظبية فيافي سارحـة بينـات الجبـال
فرصة لي لقياها مافي مافي حتي ولا احتمـال
يسألوني عن القصائد وإنتي في دنياي سـؤال
في الضحي المنشور قصائدوالغد المأمول محال
عابرة ديناصور غرامي عابرة تظهر من خـلال
إعترافاتي وكلامي ماضي كـان موجـود وزال
عابرة من دون الرسائل ليـه رسالاتـك قـلال
حالتي من يوم جيت قايل تبقي بيناتنا اتصـال
كم زرعنا الريد دوالي أزهرت أغصانـو شـال
عتقت خمر الليالـي بينـا عنـد اللقيـا مـال
واللي كان ياعابرة وينو ما الزمن ماعندو حال
مرة يسقيك بي إيدينو ومـرة يديـك بالنعـال
عابرة مشتاق لي عيونك وحاجبة المرسوم هلال
عابرة كل الدنيا دونـك تافهـة والأيـام تقـال



--------------------------------------------------------------------------------


عابرة ( جرحي الأليم )




يـــا عـابــرة يـاجـرحـي الألـيــم أيــــــام لـــقـــاك مـابـيـرجـعــن
لـكــن مــحــال يــرجــع قــديــمبـيـهـو الـظــروف مابيسـمـحـن
.
أطـيـاف تجيـنـي خـيـال خـيــالهمـس السواقـي يجـي ويــروح
غرقـان أشـابـي عـلـي المـحـالمـــن قـلـبـي مـادايــر الـنــزوح
زي شتـلـة فــي حـلـق الـرمــالدار يبـلـعـا الـزحــف الـطـمــوح
مانـي البـراي عـلـي كــل حــالكــــــل الـمـخـالـيــق تــنــدفـــن
.
مـــرات بـشـوفـك فـــي الـمـنـامرغــــم الـمـسـافـات والــنـــوي
لــو حـتـي نـاقـص مـاهـو تـــاممـتـعـشـي أو بــايــت الــقـــوي
بــي رفـعـة إيــدك فــي الـسـلاميــرجـــع زمــانـــا الإنـــطـــوي
ياعـابـرة لـوكـان فـــي الـمـنـامرؤيــــاك عـيـونــي بـتـسـعــدن
.
خــبــرك أنـاجـيـبــو الـصــبــاحمـــا كــانــت الــبــارح مــعــاي
وإتـمــط فـــوق كـمـيـن جـنــاحوإتـمــد فــوقــا عــلــي قــفــاي
وأســرق مــن المـاضـي الـلــيراح أمسـح مزامـيـري وغـنـاي
ياعـابـرة بـــي رغـــم الـجــراحالـــبــــي لــــســــع يــنـــزفـــن
.
رغــم الـريـاح والـمـوج شـديـدوأنا لانـي يوسـف ولانـي نـوح
لــكــن بــحــاول مــــن جــديــدأبنـي السفايـن لـوح فــي لــوح
ويوم أرسي في الشاطي السعيدوألقاكـي يـا ام وجـهـاً صـبـوح
ياعـابـرة بــي عـزمـي الـحـديـدكـــــل الـمـسـافــات يـقــصــرن
.
الفرحـة كستـهـا فــي الشـمـوعلـــكــــن لـقــيــتــا بـتـنـطــفــي
فــي حفـلـة فــي غـنـوة ربــوعإنــشــاالله تـظــهــر وتـخـتـفــي
فـتــشــت لاغــايـــة الـــدمـــوعلــكــن بــراهــا الـمـاهــا فـــــي
ياعـابـرة لـــو كـــان لـلـرجـوعأيـــــام زمــــــان مـابـيـرجـعــن
.
ياعـابـرة فــي الـزمـن العجـيـبخـايـف علـيـك هـــوس الـمــدن
بــي نيـتـك الـصـافـي الحـلـيـبوانـصـع بيـاضـا مـــن الـقـطـن
ذكــراك تجيـنـي قـريـب قـريــبزي نسمـة فــي الـجـو السـخـن
ياعـابـرة ذكــراك مـاهـا عـيــببــيــهــا وبـــلاهـــا يـنـقـنــقــن
.
يـاعـابـرة فـــي ضـــي الـقـمــرفـــي لـيـلـة كـتـاحـة ودعـــاش
مـتـمــدي لــــي مــــد الـبـصــرخلـت عيونـي طشـاش طشـاش
وفـــي قـلـبــي ريــــدك مـافـتــرينمـو ويزيـد لـي الليلـة عــاش
يـاعـابـرة ديـمــة عـلــي سـفــرروح الـهـيــام مــــا بتـنـسـجـن


--------------------------------------------------------------------------------


عابرة ( عــــبر الــــدم )





انــا بــي لـقـاك مـهـتـمبـــس كـيــف تلاقـيـنـي
يــا عـابـرة عـبـر الــدمشــايـــلاك شــرايــنــي
لــــو عــمــري يـتـقــدموأضــمـــن تـلاقـيــنــي
مــن بـعـدو مـــا بـنــدملــو مُــتَّ فـــي حـيـنـي
.
دنـيــا الـعــذاب والـهــممـاشـيـهــا وحـــدانـــي
لـــي غـيــري تـتـبـسـموفــي قـلـبـي أحـزانــي
رغـــم الـصـبـر عـلـقـمفــي صـبــري متـفـانـي
مـــــع انـــــي بــتــألــممـــن جـــوة وجــدانــي
.
الطيف يزيدنـي اشـواقفــي الـنــوم يناجـيـنـي
ويرحـل بـدون إشـفـاقســـاعـــة يـصـحـيـنــي
يـا طيفـا كـان مشـتـاقلـــي مــيــن مخـلـيـنـي
طـفــل الـغــرام الـعــاقربــيــتـــو مــابــيــنــي
.
يـا عـابـرة دنـيـا الـجـنبـــي كــــل أعـاصـيــرا
لـو سـعـدي مــا ممـكـناحسـن لـي مــن غـيـرا
أنــا بــي لـقـاك مـؤمـنلـكـنــي فــــي حــيـــره
يصـعـب لـقــاك كـيـفـنوالـدنـيـا بــــي خــيــرا
.
نـهـر الامـانـي ســـرابيـــا عـابــرة ارويــنــي
غيـم السمـاء الصـبـابطـــــــول مـجـافـيــنــي
والليـل يزيدنـي عــذابفــي جـوفــو يطـويـنـي
كـل مـا الـدمـع ينـسـابمــن جـفـنـي يسقـيـنـي
.
يــا عـابـرة حـتــى الآنعـيـنـيـكـي آســـــراري
سـحـراً ملكـنـي زمـــانسـكـنــتــو اشـــعـــاري
راجيـك زمـن عطـشـانمـــا صـبــت امـطــاري
ليـه فـي سحـاب دخـانيــا الـقـمـرة تـنـضـاري
.
يــا امـانـي لــي بـكــرةوالـلـيـلــي والـــبـــارح
شايـلـك مـعـاي ذكـــرىكان واعي كـان سـارح
بـس يـوم تبيـن سـفـرةيـا عابـرة بـي الواضـح
فــي نيـتـي مــن فـتــرةدايـــر اجــيــك نــــازح
.
آه لـــو قـــدرت اجـيــكرؤيــاك مـــراد عـيـنـي
أكسيـر حيـاتـي وشـيـكمــن حـزنـي يشفـيـنـي
مـــن اشتـيـاقـي إلـيــكيـــا عــابــرة دسـيـنــي
ما بين رمـوش عينيـكشـيـلـيـنــي خـتــيــنــي
.
كــل البسيـطـة حـسـانيــوم مــا مـلـن عيـنـي
غير عابرة مافي إنسانيـهـدمــنــي يـبـنـيــنــي
آه يـــا جــمــال فــتــانقـــلــــب مــوازيـــنـــي
لــولا صـفـاء الايـمــانيـفـتـنـي فــــي ديــنــي
.
أنـا كنـت شـئ مجهـوليـــا عــابــرة لــولاكــي
مـــــع أنـــــي أول زولمــن بـيــن ضحـايـاكـي
فرشّتِـي دربــي الـشـاقاشـعــار مـــن إمـلاكــي
كـانـت عـلـى الاطـــلاقأجـــمــــل هــدايــاكـــي
.
مصـبـاحـك المـسـحـورجـاهــرنــي عـامـيـنــي
سايـق خـطـاي مبـهـوريـسـوقـنــي يــوديــنــي
مــا عـــارف الـمـقـدوربـالـفــرقــة راجــيــنــي
خــارج نـطــاق الـنــورحـــايــــم حـوالــيــنــي
.
عـابـرة الـزمــن ظـــلامفـــي ظـلـمـو مـتـمـادي
بـقـت الحقيـقـة احـــلامواحزانـي شـيء عـادي
واصـبـح عـلــي الـــزامكـل مــا صــدح شــادي
اهـديــك مـــدى الايـــامألـحــانــي وانــشـــادي



--------------------------------------------------------------------------------


عابرة ( أرويني أرويني )




أرويني أرويني نهـر الأمانـي سـراب
ياعابرة دليني ولميني فـي الأصحـاب
.
الخوف من المجهول وباب الرجا المقفول
في أوجـه العـزاب والـوازع الدينـي
.
كل التلاتة معـاي اتلمـوا زادوا شقـاي
شايل خطاي مرتـاب والهـم مزازينـي
.
دمع الأسي المسكوب فوق مقبرة محبوب
والعيد علي الأبـواب والباكـي يعنينـي
.
خلاني بين العود وبين اللحـا المشـدود
عايش دمار الغاب والسـوس حوالينـي
.
يامعتصـم زايلـة الدنـيـا مامايـلـة
فيها الفرح كضـاب ماشفتـو يعمينـي
.
أوصف حياتك كيف كانت سحابة صيـف
مرت علي السالماب لاضـل ولا عِينـي
.
ياعابـرة حبيتـك واسرعـت لاقيـتـك
بالفرحة والترحاب واللهفة فـي عينـي
.
حبـاً بـلا جـدوي متعثـر الخـطـوة
دقيتلو مليون باب مـن غيـر يلبينـي
.
مهزوم من الماضي مظلوم وانا القاضي
وكل القضية عتاب لـي حـظ معادينـي
.
رغم الحصل مازال سيف الولـف كتـال
سيرني في ديداب فـي آخـرو راجينـي
.
يوم الوداع الحار يوم ينتهـي المشـوار
يوم يرحلوا الأحبـاب يادمعـة عينينـي
.
ياعابرة حتلاقـي لوفـي العمـر باقـي
عالم دروبو صعاب في تيهـو تطرينـي
.
أنا والهوي المكتوم بين السهر والنـوم
والركوه والمحـراب والليـل يواسينـي



--------------------------------------------------------------------------------


وقفة في شارع الجميعاب




مـرت سنيـن قضيتـا مـا انجـمـع الشـمـل
ورغم العذاب رغم الحنين لا قل صبري ولا كمـل
يا يمة لو يجدي النواح أو يجدي دمعـاً ينهمـل
أنا كنت أول من بكيـت وعملـت كـل البتعمـل
أو حتى كان يجدي السؤال أنا كم سألت وبنسـأل
من ناس نصيبهم في العذاب ماخدنو كامل ومكتمل
يا يمة جابتني الظروف في دنيا جـارك منعـزل
فيها اليموتو من الأكل وفيها اليموتـو بـلا أكـل
أو حتى كان شفتي الزحام خلق الله تكتر من تقل
ما شفت عابد للإلـه شايلـوا سبحـة ويبتهـل
كان شفتي والباصات تقيف والناس عليها بتتبهل
أوجه كتيري من البشر مختلفة اللـون والشكـل
واحدات بيجلبن السرور وواحدات عديل ما بتنقبل
وأنـا يومـي ضايـع فـي زحامـن ومنشغـل
طاري المراكب والبيوت طاري الجناين والشتـل
وبالرغم من تعبي الكتير عايش كاني أنا متخبـل
لكن إذا طلـع الهـلال لابـد مـن يـوم يكتمـل