مـــــــبروك الجـــديد

مبروك الجديد يا ناسي مبروك الجديد
لميت رفيق دربك خلاص خليتني لى الآلآم وحيد

أنا باكي فوق نار الجحيم بتقلي وانت تعيش سعيد
لبست وشاحات بالحزن دنياي - دنياك انت عيد
رغم إنى عارفو بكاى أبداً ما بيفيد
شن حيلتي تانى بلاهو يا قاسى وعنيد

بالله ما فكرت يوم فى البينا في الحب الوئيد
وكيف حال قليب مريودك الغدرو المريد
بالله ما طاف بخيالك مرة عين جفت الغميض
جارت عواطفك وبعتو بى تمناً زهيد

يا السارقة مخزون قلبى سيبتى بلا رصيد
كذب القلب لو نيتو من بعدك يريد
حبك صبح دمع الفراق حراقه داعبت الخديد
وإن جاره سالت من مقل واديها كان قبلك جليد

أوعك تقول لى الحصل بيناتنا ما لى فيهو إيد
كذابه يا لوحة سماح مرسومة في بالى الشريد
وآ ضيعة القلب الزرع آمالو وآ وجعو الشديد
ذبلت زهور ساقيها من دم الوريد

صح قبلى قيس كان تاه وطاش ضرب الهويد
عنتر عشان ريد عبلة كم كسر حديد
الليلة شبعان فى الألم قبالى ود عبدالحميد
فوق دربو انا الفاقد الرشد كيفن يسمونى الرشيد

مبروك عليك بيت الحلال إن شاء الله والعيش الرغيد
مبروك عليك سعداً شدت قمريتو غازلت الجريد
مبروك عليك حروف نغم منظومة في أبيات قصيد
مبروك عليك بيتاً تبكرى فيهو قبل البت وليد

انسيهو زولاً كان معاك حصادو مليان ساقو قيد
كنتى الأمل لكن بقيتى سراب بعيد
يا حليل قليبو الباترو سيف ابن الوليد
شقيان يموت بى شقاهو والغير يستفيد

صح لسانك وتسلم علي هذا الكلام الجميل ولك من كل الشكر والاحترام علي المرور الجميل