زعلانه ليه ؟ حقك عله

زعلانه ليه ؟ حقك عله
عمر الزعل ما اده زول
سامحيني كان دهده خطاي وابت الوصول
لشن بتزعلي من هواك قلبه اذن له بالدخول؟
زرع الموده رياض فكان حبك رياض دون الفصول!
ياجاريه في اعماقي مجري الدم صعود والنزول
حلمك علي انا بين صراع لقياك والحظ الكسول!!
مابيشبه الزعل الكليمه الطيبه والطرف الخجول
وما بيشبه البسمة التضوي دناي لي عرضاً وطول
مابيشبه النسمة التدفق رقة احساس الحصول
ما يشبه الشامة الفي خديدك ما شابهك في خلقه زول
يعجبني قولي القلتو فيك يعجبني كل الناس تقول
تعرف مقامك وعزتك انك كريمة وبت اصول
شايقيه من بطن الشمال وقدر الوطن هيبة وسماح وكتين تجول بيك الاضول
لحظة وداعك ما ها زي لحظة تلاقيك والمثول
يرحل فرح يصبح ترح نجم السعد يبدأ الافول
والدنيا تبقي عكس بعض لافيها حول لافيها طول
ما يبقي الا بصيص امل تتحاوشو الاحدام تلول
هاكي اعتزاري بقولو ليك
كان يلقي في خاطرك قبول
لا ناسي لا اتناسيت اجيك في بالي والاشواق حمول
خايف وداعك بيهو اقع وقعت هديل ما فيهو جول
خايف رجاي يزعلك ماترضي با انصاف الحلول