لاتزعلي لاتبكي لاتحزني

لا تزعلي لا تبكي لا لا تحزني
لا ترثي مركبنا الغرق
قدر العشق انا وانتي نتلمه ونوالف ونتفرق
لا انتي لا انا لا القلوب الشايلة حبنا بي صدق
نقدر تبل زرع السنين بي فيض دموعنا بعد حرق

غير نسأل الله يسهل القاسي وتهون
يدينا في باقي العمر صبرا نقشقشبو العيون
دي القسمة والقدر الوقع والدايره اقدارنا بيكون
بس نحنا ناس طيبين خلاص احسنّا في الدنيا الظنون


ما انتي مولود الفرح دة الجاني في الزمن الحزين
ولدوك في زمن الغنى المعزوف علي وتر الانين
جيتيني والايام عقاب وفضلة من باقي السنين
في دنيا آخرا كوم تراب لا بتدي لا بتقدر تعين


لكن خلاص قبل الوداع وتفوتي والايام تفوت
خليكي قدر البينا كان لا تفكي روسين الخيوط
ما تخلي قلبك للسنين لا يبني فوقو العنكبوت
امليهو بي عشم الله خير لا تنسي واحساسك يموت


وانا اصلي ما بنساكي يوم مهما يطول بينا العمر
عارفك كمان شايلاني شوق وغرام مقلد بالصبر
ذكرى حنين لي ماضي راح وايام تغفلنا وتمر
وانا اصلي ما بقدر بلاك إلا الجبر .. الا الجبُرُ
بس في النهاية اخوك اخوك لامن يضم جسدي القبر